ပန်းချီပြခန်း၊ ပြတိုက်တွေကို ကြည့်လိုက်ရင် အမျိုးသားတွေသာ နေရာယူ လွှမ်းမိုးထားတာမျိုးတွေ အများဆုံး တွေ့နိုင်ပါတယ်။ မြန်မာပြည်မှာလဲ ထိုနည်း၄င်းပါပဲ။ မြန်မာနိုင်ငံမှာ အရည်အချင်းရှိပြီး ထက်မြက်တဲ့ အမျိုးသမီး ပန်းချီပညာရှင်တွေ မရှိလို့ မဟုတ်ပါဘူး။
ဒီလို ဖြစ်လာတာဟာ ရှေးအယူအဆတွေကြောင့်လား၊Gender Discrimination လို့ခေါ်တဲ့ ကျား၊မ ခွဲခြား ဆက်ဆံမှုတွေကြောင့်လား၊ ပညတ်ချက်တွေကြောင့်များလား။
ဟိုးအရင် သမိုင်းကြောင်းမှာကတည်းက အမျိုးသမီး ပညာရှင်တွေ ပေါ်ထွန်းခဲ့ပါတယ်။ ဒါပေမယ့် အရေးကြီးတဲ့ ကဏ္ဍမျိုးတွေအတွက် နေရာမပေးခဲ့ပါဘူး။ ဒုတိယ ကမ္ဘာစစ် မတိုင်ခင်ကာလအထိ အမျိုးသမီး ပန်းချီပညာရှင်အနေနဲ့ မှတ်တမ်းတင်ထားတာ မရှိသလောက်ကို ရှားပါးခဲ့ပါတယ်။
ပြောင်းလဲလာနေပြီဖြစ်တဲ့ ခေတ်ကာလနဲ့အတူ အမျိုးသမီးတွေဟာလည်း အမျိုးသားတွေနဲ့ တန်းတူ ကဏ္ဍပေါင်းစုံမှာ ရင်ဘောင်တန်းပြီး လုပ်ဆောင်နိုင်ကြပါပြီ။ဒါပေမယ့် နေရာပေးဖို့၊တန်ဖိုးထားနိုင်ဖို့၊ချီးမြှောက်ဖို့အတွက်တော့ တွန့်ဆုတ်နေကြပါသေးတယ်။
မွေးကတည်းက ပုံသွင်းခံလာ ရတဲ့ မိန်းကလေးတွေဟာ ဖန်တီးမှု၊ တီထွင် မှုတွေ လုပ်ကြရတော့မယ့် အခါ အမျိုးသားတွေလောက် အတွေးခေါ်ရဲရင့် ပွင့်လင်းမှုမရှိတာလဲ အများစုကြုံရတာပါပဲ။ ဒီထဲကမှ ရုန်းထွက်ဖို့ အရင် ကြိုးစားခဲ့ကြရတာ၊ နောက်မှ တဆင့် ဖောက်ထွက် ဆန်းသစ်တဲ့ ဖန်တီးမှုကို တခါထပ် ကြိုးစားရပြန်တယ်။ ပြီးမှ အမျိုးသားတွေ ကြားမှာပါ တန်ဖိုးတူ လက်ခံနိုင်ဖို့ ထပ်ရုန်းကန်ရပြန်တယ်။
ဘာလိုအပ်နေသလဲလို့ ဆိုရရင် အရည်အချင်းရှိတဲ့ အမျိုးသမီး ပညာရှင်တွေ၊ နေရာကဏ္ဍ အသီးသီးမှာ ကြိုးစားနေကြတဲ့ ခြူးတို့ အမျိုးသမီး တွေ အတွက် မသိချင်ယောင်ဆောင်နေတာတွေ ရပ်ပြီး နေရာပေးဖို့၊တော်တဲ့သူကို တော်တဲ့သူအလျှောက် ချီးမြှင့်ဖို့၊ တန်ဖိုးထားဖို့၊ တွဲခေါ်ပေးနိုင်ဖို့ပါ။
အမျိုးသားထု လွှမ်းမိုးတဲ့ နယ်ပယ်မှာ အသိမှတ်ပြုခံရဖို့ မိန်းကလေးတယောက် ကြိုးစားရတာဟာ အဆင့်ဆင့် အများကြီးပါ။
လက်တွဲခေါ်သူတွေ ကို “ခင်ဗျာက မိန်းကလေးမို့ ကူညီတာပါ” ဆိုတဲ့ စကားနဲ့ ကမ်းတဲ့ လက်တွေကို ပုတ်ချစေခဲ့တယ်။ ကြိုးစားမှု အတွက် ရလာမယ် နေရာလေးတခုကို မ၀င့်မရဲ ဖြစ်အောင် ရိုက်ချတာမျိုးတွေ ကြုံလာကြရပြန်တယ်။
ပိုမို တိုးတက်တဲ့ နိုင်ငံ၊နယ်ပယ် ဖြစ်လာဖို့အတွက်ဆိုရင် လူ့စွမ်းအားအရင်းအမြစ် တွေကို တိုးမြှင့်ဖို့ လိုအပ်ပါတယ်။ဒီလို တိုးမြှင့်ရာမှာလည်း အမျိုးသမီး ပညာရှင်တွေကိုလည်း အခွင့်အရေးပေးပါ။တန်ဖိုးထားပါ။
အောင်မြင်တဲ့ ယောကျာ်းပန်းချီဆရာ တယောက်ဖြစ်ဖို့ ထက် အောင်မြင်တဲ့ မိန်းမပန်းချီဆရာဖြစ်ဖို့ ပိုခက်ခဲ့တာ အားလုံးလက်ခံရမှာပါ။ ဒါကြောင့် အမျိုးသမီး ပညာရှင်တွေကိုလည်း အခွင့်အရေးပေးပါ။ တန်ဖိုးထားပါ။ ချီးမြှောက်ပေးပါ။ ကြိုးစားမှုတွေကို အသိမှတ်ပြုပေးပါ။
Thanks.
Thank you so much
Playtimeph, parang ang saya! Sana hindi scam. I’m willing to try their games. Anyone else here use it already? Let me know your experience! Try it yourself here: playtimeph